རྒྱལ་ཡོངས་ས་ཆ་བསྐྱར་འཇལ་ལས་རིམ།
སྤྱི་ལོ་ ༢༠༠༧ ཟླ་ ༩ པའི་ཚེས་ ༢༤ གི་དྲོ་པ་ མི་དབང་མངའ་བདག་རིན་པོ་ཆེའི་ཞབས་ལས་ རྒྱལ་ཡོངས་ས་ཆ་ལྷན་ཚོགས་ལུ་ རྒྱལ་ཁབ་མཐའ་དབུས་མེད་པར་ ཀེཌིསི་ཊཱོལ་ཐོག་ས་ཆ་བསྐྱར་འཇལ་ལས་རིམ་འགོ་འདྲེན་འཐབ་དགོ་པའི ་བཀའ་རྒྱ་ཟབ་མོ་ཕེབས་ཡོདཔ་ཨིན།
མི་དབང་མངའ་བདག་རིན་པོ་ཆེ་མཆོག་གི་བཀའ་རྒྱའི་ནང “ ས་ཆའི་འབྲེལ་གནད་ཚུ་ཚར་ཅིག་ག་ར་སེལ་དགོཔ་ད་ ང་བཅས་ཚུ་གིས་ དེ་ཚུ་ག་ར་ད་ལྟོ་ལས་རང་ ལེགས་ཤོམ་སྦེ་སེལ་ཐབས་མ་འབད་བ་ཅིན་ ཧེ་མ་བཟུམ་སྦེ་རང་ ང་བཅས་རའི་གནས་བཞིན་ཡོད་པའི་ལམ་ལུགས་དེ་ཚུ་ལུ་ སྒྱུར་བཅོས་དུམ་གྲ་ཅིག་ལས་བརྒལ་ འབད་མི་ཚུགས་ནི་ཨིནམ་ལས་ དེ་གིས་མ་འོངས་བུ་བརྒྱུད་ཚུ་གི་མི་ཚེ་ནང་འབད་རུང་ ད་ལྟོ་ང་བཅས་ཚུ་བཟུམ་སྦེ་ར་ དཀའ་ངལ་སྦོམ་ཤོས་ཅིག་ར་སེལ་མ་ཚུགས་པར་ལུས་འོང་ ”
བཀའ་རྒྱ་དེ་དང་འཁྲིལ་ རྒྱལ་ཡོངས་ས་ཆ་ལྷན་ཚོགས་ཡིག་ཚང་གིས་ སྤྱི་ལོ་ ༢༠༠༨ ཟླ་ ༧ པ་ལས་ སྤྱི་ལོ་ ༢༠༡༣ ཟླ་ ༡༢ པ་ཚུན་ གཤམ་གསལ་དམིགས་དོན་དང་བཅས་ རྒྱལ་ཡོངས་ཀེཌིསི་ཊཱོལ་ཐོག་ ས་ཆ་བསྐྱར་འཇལ་གྱི་ལས་རིམ་ འགོ་འདྲེན་འཐབ་ཡོདཔ་ཨིན།
ས་ཆའི་འབྲེལ་གནད་ག་ར་སེལ་ནི།
ས་ཆའི་གནས་ཡུན་ལམ་ལུགས་རྩ་བརྟན་བཟོ་ནི་དང་ ས་ཆའི་བདག་དབང་ཉེན་སྲུང་འབད་ནི།
བློ་གཏད་ཅན་དང་ངེས་ཏིག་གི་ ས་ཆའི་བརྡ་དོན་སྣ་ཚོགས་ཀྱི་རིམ་ལུགས་ཅིག་བཟོ་ནི།
ས་ཆའི་བདག་སྐྱོང་ཞབས་ཏོག་དང་ གཞུང་སྐྱོང་ལེགས་ལྡན་ཡར་དྲག་གཏང་ནི།
More Information
